Tecnica da kino professiunala

Roadmovie transfurma hallas polivalentas, salas parochialas e communalas en pauc temp en in vair kino. Il kino ambulant Roadmovie lavura cun la tecnica da kino professiunala e cun operaturs cumpetents. L’equipament cumpiglia in projectur da films da 35mm Veronese LX 1600, in projectur da 16mm Bauer P6, in beamer da Sony VPL-PX35, in pult da maschadar, duas tendas da projecziun (5.33 m x 3 m resp. 2.80 m x 2.10 m) ed in indriz da tun cun in powermixer, boxas e stativs. Vus pudais era prender a fit il kino ambulant per occurrenzas privatas.

Ans contactai per plaschair.