Roadmovie pussibilitescha inscunters cun il film svizzer

Roadmovie è in project senza finamiras da profit per promover la cultura cinematografica. El porta il kino là nua ch’i na dat anc nagin. Il kino ambulant pussibilitescha inscunters tranter ils cineasts ed il public. Ultra da quai promova el il barat cultural tranter las quatter regiuns linguisticas da la Svizra. Roadmovie emplenescha ina largia che n’è dal punct da vista commerzial betg attractiva, dal punct da vista politic-cultural dentant fitg impurtanta. Cun Roadmovie sa realisescha in siemi: far ina turnea cun in kino ambulant tras la Svizra e mussar en vischnancas pli pitschnas, ensemen cun partenaris locals, in program attractiv cun films svizzers.

Il kino ambulant Roadmovie è in’associaziun d’util public cun sedia a Losanna. La tecnica da kino ed il kinomobil sa chattan a Lucerna.